Kaokbook “Thoesrecepte”

Veldeke Kaokbook

Op zaoterdigmiddig 24 september 2016 óm half drie smiddigs waerdje oos Kaokbook “Thoesrecepte – Recepte oet de käökelaaj” geprissenteerdj. De ieëste beukskes waerdje toen aangebaoje aan Margo Reuten, sterkok van Restaurant Da Vinci in Maasbrach en aan börgemeister Jos Hessels van Ech-Zöstere. Dees fieëstelike bie-einkóms vónj plaats in ’t Museum van de Vrouw aan de Plats in Ech.

Zoawaal Margo Reuten es Jos Hessels zeen dit jaor bie de 90 ambassadeurs, die Veldeke Limburg oet de ganse provincie haet aangetrókke óm ‘t 90-jäörig bestaon van de Limburgse dialekvereniging mit te óngersteune. Det leek ós ’n sjoan aanleijing óm ze te vraoge oos kaokbook in óntvangs te numme en det höbbe ze van herte toegezag.

’t Kaokbook “Thoesrecepte” haet ‘ne lange väörbereijingstied gekosj. De 80 recepte, wovan versjillendje door oos leje ingebrach, zeen gekaoktj of zorgvuldig gechecktj, in dialek ómgezatj en vervolges tót ’n sjoan beukske samegebrach. Dao-in vèntj g’r väörgerechte, hoofgerechte en naogerechte, mer ouch get typische gerechte of baksels oet dees streek.

’t Is ’n henjig kaokbeukske gewore, mit ringbandj en äöverzichtelike recepte. Ouch neet-dialekspraekers zólle d’r mit äöverwaeg kènne ómdet vertalinge hie en dao staon aangegaeve.

’t Kaokbook “Thoesrecepte” is momenteel oetverkoch.

Reageren is niet mogelijk