Laeze en sjrieve

Cursus “Laeze en sjrieve in ’t Limburgs”

Door de versjillendje Kringe van Veldeke Limburg waere regelmaotig cursusse gegaeve óm ’t Limburg dialect good te lieëre laeze en sjrieve. Ouch Veldeke Krink Ech geuf al sinds jaor en daag zónne cursus. Bie genóg deilnummers zal det ouch bönnekort weer ’t geval zeen. De cursus is bedoeldj väör ederein dae ’t dialect baeter wiltj lieëre kénne. Väöral ’t laeze van de versjillendje dialecte en ’t sjrieve van ’t eige dialect. Daobie weurtj oetgegange van de door de vereiniging Veldeke in 2003 vasgestèldje spelling.

De cursus bestuitj oet 6 lesse. Bie (väörluipige) aanmeljing kan m’n aangaeve welke aovendj sjiktj, zoadet bie ’t vasstèlle daomit raekening gehaoje kan waere. De cursus weurtj gegaeve in de Basissjoal Patricius aan de Hubertusstraot in Pej. Bie väöl deilnummers oet ’n bepaoldje kern vanne gemèndje Ech-Zöstere kan de cursus eventueel ouch dao gegaeve waere.

Deilnummers make es aafsloeting “meisterstökke” in ’t dialect. Det kan ’n verhaol of verhäölke zeen of ’n gedich. Aanwiezinge daoväör waere inne lesse gegaeve. ’t Meisterstök is de aafsloeting vanne cursus en weurtj väörgedrage oppe aafsloetendje aovendj. Twieë väörbeeldje van meisterstökke vèntj g’r hie ónger:

De deilnummers kriege den hun certificaat  aangebaoje es bewies det zie de cursus gevolgdj en good aafgeslaote höbbe. De koste zeen 30 euro väör neet-leje, leje vanne krink betale 20 euro.

Bel väör aanmelje of vraoge mit de cursusleider Piet Aben, tel. (0475) 482146.

 

Reageren is niet mogelijk