Veldeke Krink Ech kèntj óm te beginne de jaorlikse dialekmès väör Kèrsmis, op de ieëste plaats bestömdj väör de leje van de krink. Bie dees mès, wo-in ouch de det jaor gestórve leje waere herdach, is ’n mèsbeukske besjikbaar mit de tekste en de leedjes. Väör de leje is aansloetendj aan de mès ‘ne kersaovendj. De lèste jaore is dees mès in de kèrk van Pej, mit mitwèrking van pestoar Mom en is teves mès väör de parochie.
Bie de jaorlikse octaaf róndj de kapel op Sjaelberg levertj de Veldeke Krink Ech ’n biedrage aan de äöpeningsmès op zaoterdigaovendj in ’t paviljoen bie de kepel.
Veldeke Krink Ech kan verder hulp beje aan vereniginge die ’n dialekmès wille haoje bie gelaegenheid van bv ’n jubileum. De Vastelaovesvereniginge äöpene jaorliks in november ’t sezoen mit ’n mès in dialek. Det vènje w’r ’n good initiatief.