Café Chantant

Mit es doel ‘ne nuje groep minse te bereike haet Veldeke Krink Ech al 2x ’n meziekaovendj georganiseerdj mit es titel “Café Chantant”. De bedoeling is limburgstalige meziek te brènge in ’n sfeervolle locatie. Op ’n meneer die ouch get jónger minse zoe kènne aanspraeke.

In 2015 woor de zenger Ruud Verhoeven oet Gölpe, degene dae de ieëste proof mós levere mit o.a. zien Limburgse vertaling van Franse chansons. In ’t café van de Pejjerhaof trooj hae op väör 40 minse, gans sfeervol en wie ’t bedoeldj woor.

In 2017 wólle w’r weer ’n Café Chantant organisere. Dit kieër mit ’n viefkoppige formatie róndj Ron Marie Buitenhuis oet Remunj mit ’t programma “Cohen geit Plat”. Leedjes van Leonard Cohen, ómgezatj in ’t Limburgs. Óm oet de koste te kómme mós det in ’n groter zaelke. Tót 70 man woor de bedoeling. Det waerdje d’r 130, mer de sfeer woor toch good.

 

Café Chantant Math Dirks / Toon Hermans

In 2018 organiseerdje Veldeke Krink Ech ‘ne aovendj o.a. mit leedjes en verhäölkes van Toon Hermans. Die waerdje gebrach door de operazenger Math Dirks, mit begeleijing van Ger Maessen op gitaar.
Ouch väör deze aovendj in de Pejjerhaof woor ruum belangstèlling van zón 100 persoane, leje van de krink en anger bezeukers. ’t Waerdje ‘ne sjoane en sfeervolle aovendj.

Reageren is niet mogelijk