Hie stónge vreuger Café Golsteijn-van Neer en de kapelanie. De café woor ’t aojerlik hoes van Leike van Naer, de oprichter en 1e dirigent vanne fanfaar van Pej in 1910.
Tót 1914 haet m’n hie gerepeteerdj in ’t bäövelste gedeilte van de aoj kapelanie. Toen boewdje Leike ’n bekkerie, café en zaal op de Houtstraat 7.
‘N bietje trög – bie ’t monumentje van de Aester Vastelaovesvereniging – loog tot in 2022 ’t Patronaat. De boeteomtrèk van ’t geboe is in de bestraoting gemarkeerdj mit ‘ne donkergrieze randj. Nao get mieë den negetig jaor is ’n enj gekoeme aan dit historisch geboe in ’t centrum van Pey.
De vreugere óntmoetingsplek väör de Pejjer jeugd in de sjeem van de kirk, is geslooptj óm plaats te make väör ’n nuuj dörpsplein mit parkeerplaatse.
