Dit jaor haoje w’r väör leje weer ‘ne adventsmiddig wie de lèste jaore gebroekelik woor. W’r beginne óm 14.30 oer, gezellig aan taofels in de sfeervolle zaal. Väör kóffie mit ’n lekker stök vlaai en laternao ouch get hertigs op de taofels weurtj gezörgdj. Mer gein volledig diner; daodoor zeen de koste ouch lieëger kénne blieve.
De zanggroep Amami zal deze middig versjillendje kieëre optraeje mit kersleedjes en Limburgse nummers. En haopelik zeen d’r ouch weer leje die get wille inbrènge van väördrach of meziek. Meltj uch estebleef den väöraaf bie bestuurslid Yvonne Smeets, tel.0475 572006.
In verbandj mit de organisatie is väöraaf opgave nuuedig. Det kan weer door de koste van 10 euro väör dae middig äöver te make op ’t raekeningnummer van VKE: NL65 RABO 0138 6319 64, of mit ’t breefke in de brevebös tót 28 november. Es g’r det höbtj gedaon, raekene w’r op uch. De middig is aafgeloupe óm zoaget 17.30 oer.
