Dialekmès

Veldeke is “Op waeg nao Kersmis”. Aafgeloupe zóndig hele w’r väör oos leje weer ‘ne adventsmiddig wie de lèste jaore gebroekelik woor. W’r begóste óm 14.30 oer, gezellig aan taofels in de sfeervolle zaal. Väör kóffie mit ’n lekker stök taart en laternao ouch get hertigs op de taofels woor gezörgdj. De zanggroep Amami trooj versjillendje kieëre op mit kersleedjes en Limburgse nummers. En oos leje Ed Creemers en Laura Theunissen droge väör.

Vriedigaovendj 16 december óm 19.00 oer zal de waekelikse mèsviering in de kèrk van Pej weer ’n dialekmès zeen, door Veldeke Krink Ech verzörgdj en ouch al in de sfeer van kersmis. Pestoar Mom zal väörgaon en weer volge mit zang en gebed. Intenties zeen d’r väör de laevendje en gestórve leje. Dees dialekmès is natuurlik toegankelik väör ederein.

Väör de leje is nao aafloup van de mès in de Pejjerhaof gelaegenheid óm get bie te kalle mit ’n tas kóffie en kersbroad.

Reageren is niet mogelijk