‘t Väörlaeze in de Bieb gebäörtj al regelmaotig mer kan nog waal get mieë belangstèlling gebroeke: edere ieëste maondig kènne aojers mit klein kènjer dao terech. En terwiel zie röstig ’n book kènne oetzeuke, de gezèt kènne laeze of ’n baekerke kóffie drènke, weurtj aan de kènjer, zoaget 4-7 jaor, väörgelaeze. Vanaaf dit jaor ouch ’n half uurke väörlaeze in ’t Limburgs. Ènkel vriewilligers van Veldeke Krink Ech laeze in ’t plat väör oet spannendje beukskes op edere 3e maondig van de maondj. Vertèljt dit verder, want väörlaeze is leuk en kan neet dök genóg gebäöre. Volgendje kieër is op 17 oktoaber 16.00 oer.
