’t Oetstepke mit de bös is dit jaor op 27 juni a.s. en veurtj nao Mestreech. W’r vertrèkke óm 09.45 oer vanaaf de Nuuj Mert in Ech. M’n deentj zich väöraaf aan te melje en de eige biedrage te betale.
Aangekómme in Mestreech gaon w’r ieës kóffie drènke op ’t O.L. Vrouweplein. Nao de kóffie/thieë mit vlaai staon de gidse klaor óm ós ‘n róndleijing te gaeve door ‘t aoje Mestreech. Geer kómtj den op plaatse wo geer zeker nog noats gewaes zeentj! De róndleijing eindigt bie ‘t Sphinxkwarteer en dao gaon weer ouch lunche.
Es de lunch is aafgelaope höbtj geer nog get tied óm nao eige keus get te óngernumme: zelf Mestreech in te gaon, bv. de bookhanjel in de Dominikanerkirk, de O.L. Vrouwekirk, de Bissjopsmäöle (ein Bekkerie in ’t Jekerkwartier) of get te winkele.
Leefhöbbers kènne zich, nao de lunch, nog mit ein stadstreinke door Mestreech laote rieje. Dao-aan zeen gein extra koste verbónje. Mer in verbandj mit de organisatie mót m’n det waal bie ’t aanmelje opgaeve. Óm 17.30 oer geitj de bös weer trök nao Ech.
De eige biedrage väör dit oetstepke is € 45,00 p.p.. Introducées zeen welkom, mer die betale 50 euro. De pries is inclusief de bös, de kóffie mit vlaai, de gidse, de lunch en eventueel ’t treinke. Det bedraag is väör 20 juni äöver te make op de bankraekening van de penningmeister (kiek achter op ’t Veldeke Bekèt) mit vermeljing van naam, lidnummer en aantal deilnummers.
Mer lètj op: bie ’t, nao opgave, neet mitgaon – óm welke raeje den ouch – kan gein geldj trökbetaaldj waere, ómdet de koste den al gemaaktj zeen.
