Aafgeloupe zaoterdig vónj in Sint Joas de Limburgse finale plaats van de declamatiewedstried van Veldeke. De deilnummers kome oet ’t midde en noorde van de provincie, 23 in totaal. Allemaol wore die al wènnieër in de krink wo ze vandaan kome; 11 finaliste daovan wore oet Ech-Zöstere.
De prieswènnieërs oet de Krink Ech wore:
Categorie groep 1 t/m 4:
Owen Coenen oet Zöstere op plaats 1 mit ’t gedich “Sjoppe”.
Categorie groep 5 en 6:
Lauren Leurs oet Zöstere op plaats 2 mit ’t gedich “Sjpinne” en Teun Wolters oet Ech op de 3e plaats mit “Ich haw eine druim”.
Bie de categorie groep 7 en 8:
Inez Ermans oet Zöstere op plaats 2 mit ’t gedich “’n Maedje zeen”.
Ze staon hie op de foto same mit de anger wènnieërs en de jury. (foto Jos Verbong, Tegele)
Wie gebroekelik woor ’t weer ‘ne gezellige, spannendje middig. Reg van Loo, de väörzitter van Veldeke Limburg verwelkómdje de kènjer en hun gevolg, väörnamelik aojers en groataojers. De prissentatie van de middig waerdje gedaon door musicus Rob Mennen en d’r woor ’n ónaafhankelike jury van 5 persoane óm de väördrachte te beoordeile.
Terwiel nao ’t aafsloete van de lèste väördracht de jury zich trökgetrokke haw óm tot hun besloet te kòmme woor d’r in optraeje van Peggy Alofs van Goud Vertëltejater oet Brunssum, det mit häör acties de kènjer, en ouch aojers!, wis bezig te haoje. Hienao volgdje de toekènning van de ieëste drie plaatse van eder categorie. Dees kènjer krege de daobie huuerendje standaard. En alle deinummers van de middig óntvinge naeve ’n oorkonde es herinnering aan ’t mitdoon ’n speciaal väör deze middig oetgeveurdj Yatsee-dobbelsteinspel in versjillendje Limburgse dialecte. (*)
De wénnieërs van deze middig bleke oeteindelik good verdeildj äöver ’t deilnummersveldj:
Categorie groep 1 t/m 4:
Linda Teewen oet Weert (3e plaats), Djemke Schouwenberg oet Venlo (2) en Owen Coenen oet Ech-Zöstere op plaats 1.
Categorie groep 5 en 6:
Teun Wolters oet Ech-Zöstere (3), Lauren Leurs oet Ech-Zöstere (2) en Ize Willems oet Venlo op plaats 1.
Categorie groep 7 en 8:
Esmee Hoeben oet Weert(3), Inez Ermans oets Ech-Zöstere (2) en Siem Stapel oet Venlo op plaats 1.
En d’r woor nog ‘ne aanmoedigingspries väör Teun van Meijl oet Weert.
(*) Det spel is vanaaf noe väör leefhöbbers ouch te koup bie de verkouppuntje van Veldeke Krink Ech väör € 7,75.