Kerstaovendj in Pej

De kerstaovendj bie Veldeke zal dit jaor weer bestaon oet 2 óngerdeile. Ieës is de dialectmès in de kèrk van Pej. Die is óm 19.00 oer en weurtj gedeiltelik in oos dialect gedaon. Pestaor Mom zal det weer op ’n waardige, aangepasjde meneer doon. Ouch de samezang is aangepasj en d’r kan mit behulp van ’n beukske mit gebaedj en mit gezónge waere.

Aansloetendj gaon de leje van de Krink, die zich daoväör höbbe opgegaeve, nao de zaal van de Pejjerhaof, dae in fieëstelike kerstsfeer zal zeen aangeklèdj. ’t Programma van de aovendj zal get anges zeen es väörgaonde jaore. ’t Aete zal bestaon oet versprèdj äöver de aovendj aangebaoje klein gerechtjes. M’n krig neet minder, mer waal anges. Väördeil is det w’r neet hove te wachte en in de rie te staon. Tösse de gange door is d’r tied väör väördrachte door leje, väör meziek en väör get spelkes, wodoor g’r aan de taofels ouch actief mit kèntj doon. Óm uterlik èlf oer sloete w’r aaf.

Väör deze aovendj mótj g’r uch wie gebroekelik opgaeve ómdet d’r koste mit gemeujd zeen. De aovendj mit inbegrip van de gerechte kömptj op 25 euro p.p., väöraaf te betale wie in ’t Veldeke Bekèt stuitj aangegaeve. Vergaetj neet det oppertied te doon, want weer mótte det ouch op tied kènne doorgaeve aan de traiteur.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *