Tót en mit ’t ènj van deze maondj kènne de filmkes väör de alternatieve declamatiewedstried nog ingestuurdj waere. De ieëste zeen in de aafgeloupe waeke bönne gekómme en zeen leuk óm te beloestere en te zeen. Declamere in ’n anger vórm! Zótj g’r nog emes – kèndj of kleinkèndj – wille aanspaore of helpe óm ouch mit te doon, gaontj den kómmendj waekènj daomit aan de gank. Insture nao info@veldekekrinkech.nl kan nog tót en mit 31 mei.
Laes väör de regelinge wie ’t precies mót nog aeve ’t berich op dees website van 5 mei jl. (Gedichte väör de Declamatiewedstried 2021)
