Avonture opsjrieve kan vanaaf dees waek ouch in ’t Limburgs. Daobie geitj ’t neet op de ieëste plaats óm de spelling, mer ’t kreatieve verhaol stuitj väörop. Aan de door Menswel opgezatte serie workshops “Avonturen in inkt” kan door ’n samewèrking mit Veldeke door de deilnummers ouch in ’t eige dialek waere mitgedaon. De deilnummers, 9-12 jaor, make zelf de keus. Ómzètte van Nederlands nao Limburgs of angesóm kan ouch. De inspiratie väör ’n verhaol brènge de deilnummers zelf mit. Wie det op te sjrieve, dao ’n verhaol van te make, lieëre ze in de cursus. Van de resultate zal ‘ne bundel gemaaktj waere, eventueel ’n audio-book. Väördrage bie Veldeke Krink Ech is natuurlik ouch mäögelik! De workshops waere gegaeve op dónderdig 3, 10, 17 en 24 juni van 15.30 – 16.30 oer in ’t geboew “Talenthouse”, Deepstraot 3c in Ech. Deilnummer kosj 8 euro. Verder informatie bie Rick Vechel: rick.vechel@menswel.nl.
