Veldeke Krink Ech haet väör de leje ’n extra Algemein Vergadering geplandj. Det is nuuedig ómdet ’t bestuur aan de leje ’t väörstèl wiltj doon väör de beneuming van ‘ne nuje väörzitter. ‘ne Väörzitter mót volges de statute gekaoze waere door de Algemein Lejevergadering. Die is doorgaons eder jaor in mieërt. Mer ’t bestuur is van meining det det te lang wachte zoe zeen väör zo’n belangriek besloet.
Daoróm zeen de leje opgerope väör ‘n extra ALV op maondig 19 september a.s. óm 20.00 oer in de Pejjerhaof, Houtstraot 7. D’r zeen väör dae aovendj gein anger agendapuntje. “t Bestuur zal d’r ‘n sfeervolle aangeklèdje vergadering van make en haoptj det väöl leje wille kómme óm mit de nuje väörzitter kènnis te make en hem ’n hert ónger de reem te staeke. Verder informatie in ’t nummer van Veldeke Bekèt det bönnekort versjientj.
Op de foto zeen Veldeke-leje en anger belangstèllendje bie-ein
op de “Zomeraovendj in St. Joas”.