Kómmendje maondig, 17 juli óm 16.00 oer, zal weer väörlaeze zeen väör jóng kènjer in de bibliotheek/laeswinkel aan de Bovenstestraot 11 in Ech.
Vanaaf 16.00 oer zal den ’ne vriewilliger van Veldeke Ech in de Laewinkel/Bieb present zeen óm aan de kènjer ’n half uurke väör te laeze. Kènjer van 4 tót 7 jaor zeen van herte welkom óm te kómme loestere nao ’n verhaol. Tót noe toe is d’r ’n klein aantal vaste toehuuerders, mer dao kènne nog waal ’n paar kènjer bie. Ze loestere vol aandach en bekieke de sjoan plaetjes in de beuk. Soms höbbe de väörlaezers van Veldeke dao nog ’n kluuerplaat of knutselwerkske bie.
’t Väörlaeze op de 1e (Nederlands) en 3e (Limburgs) maondig in de Bieb gebäörtj in ’t kader van de ‘Boekenschatkist’, ’n projek laesbevordering en taalóntwikkeling. Want laeze is belangriek en väörlaeze aan jóng kènjer is de ieëste stap. De Bokesjatkis in de Laeswinkel/Bieb geitj op beide maondigge aope van 16.00 tót 16.30 oer. Aojers, of groataojers die mit kómme, kènne mit loestere, mer eventueel ouch intösse röstig zelf ’n book oetkeze. Kómme loestere is gratis.
In augustus zal gein väörlaeze zeen; in september dus weer verder.
