Augustus is de vekansiemaondj bie Veldeke Krink Ech. Daonao startj de twieëdje hèlftj van oos jaorprogramma.
Waem nog neet lid is en noe beslutj zich aan te melje es lid van VKE kan op basis van dit lidmaatsjap deilnumme aan alle activiteite die de krink dit naojaor nog zal organisere. Det zeen o.a. in oktoaber de filmaovendj in de Royal Service Bioscoop mit de film “Bewakers van Bemelen”, in november ‘n laezing mit expositie van “Santons de Provence” en in december de dialekmès mit aansloetendj kerstviering. Daonaeve óntvange oos leje ‘t kwartaalblaad “Veldeke Bekèt” mit informatie äöver de activiteite, verslage, foto’s en gedichte. Waem neet väör januari aafmeltj, is vanaaf 2024 betalendj lid. Det hultj in det ómstreeks mieërt de contributie betaaldj mót waere: 30 euro per jaar voor 1 persoon; 40 euro voor 2 partners op eenzelfde adres. Daovan krig m’n berich.
Veldeke stèltj zich es doel ‘t gebroek van ‘t Limburgs es taal naeve de standaardtaal te bevordere en in standj te haoje, daoväör de ómstandigheje te bevordere en activiteite te organisere. Det geitj neet vanzelf; ’t is wie ‘ne haof dae sjoan in bleuj kan staon, mer den mót d’r waal regelmaotig get aan gedaon waere!
Ederein kan lid waere van VKE: oet sympathie väör det streve óf väör de activiteite. Of väör allebei. De Krink Ech ómvatj ’t gebied tösse de kringe Remunj en Zitterd, dus neet allein de kern Ech. Ouch minse oet Zöstere, de Nuujsjtadt, Roostere, Ohé en Laak, Staeveswaert en Brach kónne zich daobie aansloete en thoes veule. In totaal kèntj Veldeke in oos provincie 10 kringe. Väör ’t aanmelje es lid kèntj g’r ’t formuleer gebroeke, welk g’r op dees website kèntj vènje ónger de knóp “Äöver Veldeke>Lidmaatsjap”, of belle mit de penningmeister teves leje-administratie: 0653169913. Haotj den waal eur persoans gegaeves bie de handj. Good te wete det g’r welkom zeentj bie Veldeke!
