Wie gebroekelik zólle de wènnieërs van de declamatiewedstried in de finales in Pej en Zöstere weer optraeje en hun gedich väördrage in dees tehoezer. Weer doon det dao, ómdet gebleke is det de bewoners haoje van die väördrachte en zoa mekkelik in de gelaegenheid zeen óm d’rbie te zeen. De vraog is aan femilie en vriewilligers óm ze hie op te wieze en eventueel nao de zaal te brènge. Bedanktj daoväör vas.
Natuurlik kónne ouch oos leje en anger belangstèllendje in de recreatiezaal terech óm bie ’n tas kóffie te loestere nao dees prestaties.
In de Egthe op daensdigaovendj 9 mei, vanaaf 19.00 oer.
Den is ouch ’t orkes “de Limburgse Jónges” dao, óm ein en anger muzikaal te ómlieste.
Woonsdig 10 mei, vanaaf 14.30 oer in Zorgcentrum Vastrada in Zöstere. Dao drage de kènjer oet groat Zöstere väör. Väör de bewoners, mer ouch väör belangstèllendje leje en minse van boete Vastrada.
