Beeldjetuin Suëstra

Väörig jaor höbbe w’r de poëziewanjeling, die Veldeke Krink Ech same mit de Natuurvrienden oet Zöstere haw georganiseerdj, in de beeldjetuin aafgeslaote. Dae tuin liktj in Zöstere, bie ‘t zorgcentrum Vastrada en de Amelbergabasiliek. Riky Simons oet Zjwame, lid van de Sjrieverskrink, haw väör die plaats ’n gedich gemaaktj: “Modern kuns”. Det gedich veel bie de wanjelieërs good in de smaak. ’t Stuitj aafgedröktj in Veldeke Bekèt nummer 2 van deze jaorgank. Bliekbaar veel ‘t ouch bie angere in de smaak, want ’t bestuur van de beeldjetuin haet nao äöverlèk mit Riky beslaote de tekst op ’n plakette in de tuin te plaatse. De ónthulling woor op zaoterdigmiddig 6 mei, same mit wèthaojer Geert Frische van Ech-Zöstere.
G’r zótj dao op ‘ne sjoane daag èns mótte gaon kieke.

Geef een antwoord

Het e-mailadres wordt niet gepubliceerd.