Weer ‘n Limburgs Kampioen oet de Krink Ech bie de Limburgse finale in Panninge, aafgeloupe zaoterdig. Isa Meuwissen van ’t Hènge en Basissjoal Patricius in Pej haolde in categorie groep 7-8 de ieëste plaats en moog zich ’n jaor lank Limburgs Kampioen neume. Net wie bie de Echter finale droog Isa ’t gedich “Formule Max” väör, ’n door/mit zien moder gesjreve lank gedich. Väörig jaor woor Isa nog 2e bie de Limburgse finale mit ’t gedich “Hekse”.
Ouch prieswènnieër in Panninge woor Evi Pustjens oet Roostere mit ’t gedich “Weer kènne neet zónger dere.” Evi behaolde in de categorie groep 5-6 de dörde plaats.
Totaal moogdje van de Krink Ech in Panninge 6 kènjer mit doon. Ouch die anger kènjer droge hun gedich good väör en hawwe ’n gooj ervaring bie dees finale. Weer haope det ze volgendj jaor weer mit doon en ’n nuuj kans wille make. In eder geval bedanke en felicitere w’r alle deilnummers.
Isa Meuwissen
Evi Pustjens