Cohen ging plat bie 40 jaorig Veldeke.

Aafgeloupe vriedig, 2 juni haw de Krink es jubileumväörstèlling bie gelaegenheid van ’t vieërtig jaorig jubileum ‘ne bezónjere aovendj. Waat ieës woor aangekondigdj es “Café Chantant” waerdje door de graote belangstèlling ‘ne volle zaal van de Pejjerhaof mit leje en anger belangstèllendje. Door de bestuursleje van Veldeke Krink Ech fieëstelik aangeklèdj en verzörgdj mit ’n bleumke op taofel en hepkes väör bie de drank.

De sjoonste leedjes van de väörig jaor november op 82 jaorige laeftied gestórve Canadese bard en waereldster Leonard Cohen kome v’rbie, mer den vrie hertaaldj in ‘t het Limburgs.

De meziekaovendj waerdje gebrachtj door vief muzikante oet alle deile van de provincie, gedreve door passie väör de meziek en die zoawaal solo es in diverse bands actief zeen en hun spaore al verdeendj höbbe in de Limburgse meziekwaereld:

Ron-Maria Buitenhuis (Roermond) – Zang/gitaar
Renee Steenvoorden (Maastricht) – zang/viool
Peter Wijnhoven (Reuver) – zang/piano/accordeon
Lisanne van Geleuken (Heythuysen) – zang/gitaar
Rien Kolkman (Venlo) – (contra)bas

Veldeke Krink Ech wildje mit deze oetzunjerlike aovendj van d’n eine kant ’t jubileum cachet gaeve, en van d’n angere kantj ouch aan neet-leje/belangstèllendje laote zeen wie de Limburgse taal gebroektj kan waere. Zelfs oetermate gesjiktj is, óm leedjes die lieke op gedichte, te brènge: de inhoud kömptj good äöver. Bezeukers zachte: “Ich kós de leedjes waal, maar wo ’t äöver ging noats zoa begrepe. Noe waal!” Väörbie kome op deze aovendj o.a.de in Limburgs ómgezatte songs van Cohen, wie: If it be your will, Suzanne, So long Marianne, Halleluja, Dance me tot he end of love enz.
’t Waas ‘ne prachtige aovendj mit gooj muzikante en zengers en zeker ouch kontente gaste!

Geef een antwoord

Het e-mailadres wordt niet gepubliceerd.