Op 26 juni a.s. is weer oos jaorlikse oetstepke. Dit kieër gaon w’r nao Luuk/Liëge in Belsj. Det weurtj zeker ‘ne sjoane en interessante daag mit o.a. ‘n bezeuk aan ‘t prachtige station van Guillemins en ‘n róndjleijing door ‘t historische deil van de stad. Ouch ‘ne verzörgdje lunch stuitj uch te wachte mit ‘n lekker drenkske d’rbie.
Lètj op estebleef: in de stad ligge hie en dao nogal get kènjerköpkes, dus gemekkelike sjoon is aan te raoje! De bös vertruk óm 09.30 oer vanaaf de Nuje Mert in Ech en róndj 18.00 oer zeen w’r dao weer trök.
Aanmelje en opgave:
De biedrage väör deze gezellige daag is € 50,00 p.p. Minse die gein lid zeen van Veldeke betale € 57,50. Door te betale op oos raekeningnummer: NL65RABO0138631964 zeentj geer geliek aangemeldj. Det kan tót de bös vol is. In det geval krig g’r berich en óntvangtj g’r ’t geldj trök.
