In eine gezellig gevöldje zaal “Keenter Hart in Wieërt, höbbe de wènnieërs van de regiofinales op zaoterdigmiddig 6 juni ‘ne goaj gedaon nao ’t Limburgs Kampioensjap Veldeke Declamatie 2026.
Allemaol kampioene zag de väörzitter van Veldeke Limburg, dae gruuets woor det ’t plat door zoaväöl kènjer mit groat enthoesiasme weurtj oetgedrage. En daobie gesteundj door aojers en groataojers.
Mit mer leefs 7 wènnieërs in de 3 laeftiedscategorieë – wovan 2 Limburgs Kampioene – höbbe de 12 finaliste oet Ech en Zöstere de gemèndje Ech-Zöstere, de Veldeke Krink Ech en ouch de deilnummendje basissjoale good op de kaart gezatj. Twieë deilnummers is ’t gelöktj bie de allerbèste te huuere, det wore: Noud op ‘t Veld oet Ech en Sophie Rours oet Zöstere. Väör hun ’n döbbel perficiat want zie eindigdje op de ieëste plaats en waerdje allebei Limburgs Kampioen!
De oetslage per categorie wore:
Groep 1 t/m 4
- Limburgs Kampioen 2026 Alice Ogier – Stappen (Weert)
- Flore Joosten – Vlinderke (Bs. In’t Park Susteren)
- Ilvy van Herten – Mien Moortje (Bs. Patricius Pey-Echt)
Groep 5 en 6
- Limburgs Kampioen 2026 Noud op het Veld – Oos sjieke taal (Bs. Angela Echt)
- Lauren Leurs – Kakeltante (Bs. In’t Park Susteren)
- Teun Wolters – Ich haoj van game (Bs. Angela Echt)
Groep 7 en 8
- Limburgs Kampioen 2026 Sophie Rours – Gruuetsj det ich van Zöstere bun (Bs. De Springdonk Susteren)
- Bo(dine) Swinkels – Oppe Dörpel (Bs. Patricius Pey-Echt)
- Lucy van de Ven – De Roeëze van meneer Knoterboks (Venlo)
Tót volgendj jaor!
Oppe foto alle wènnieërs (foto’s Wes van Renswouw)
