Nao de Aester Aovendj

Leefhöbbers van de vastelaovendj kónne, wie väörgaonde jaore weer ’n bezeuk brènge aan de speciale seniore-aovendj van de vastelaovesvereniging “de Aester”. W’r kènne det tót ein van de tradities bönne oos vereniging raekene. Dao zeen ’n aantal raeje väör. Op de ieëste plaats waardeertj Veldeke ‘t es anger vereniginge get róndj dialek organisere en presentere. Dao zeen w’r den gaer bie. Daonaeve wete de troew bezeukers van deze aovendj waat ze kènne verwachte: ‘ne geweldige aovendj mit ’n sjoan programma mit väöl artieste. Nuuj leje en wae d’r nog neet eerder bie is gewaes, zeen natuurlik ouch oetgenuuedigdj óm dit te gaon mitmake. Zónne vastelaovesaovendj zoewe weer es Krink neet zelf kènne organisere en zeker neet väör die minimale biedrage van € 6,50 (introducees 7,50 euro).
Dit jaor mit artieste wie de buuteredners Har Daniëls en Maikel Sonnemans. En verder meziek en zang van De Geliënde, Marleen Rutten, Ronald en Carien en Kartoesj.

Lètj op: Óm same van dae sjoane aovendj te kènne genete, mót m’n zich oppertied (uterlik op 15 januari) aangemeldj höbbe. Det kan door ’t bedraag van ein of mieë entreekaarte äöver te make op ’t raekeningnummer NL 65 RABO 0138 6319 64 van Veldeke Krink Ech. De toegangskaarte krig g’r op 30 januari bie d’n ingank van Royal.
Mer lètj op! D’r waere gein plaatse gereserveerdj. Väör ’n gooj zitplaats zótj g’r dus op tied dao mótte zeen. De zaal is aope vanaaf 18.00 oer.

Haopelik zeen w’r ós op 30 jan 2019 ruum väör 19.00 oer in de hal van Royal Theater oppe Pejjerstraot.

Geef een antwoord

Het e-mailadres wordt niet gepubliceerd.