Limburgse Streekproducte preuve

Väör (verdere) kènnismaking mit versjillendje Limburgse streekprodukte nuuedigtj Veldeke oet op vriedig 20 september a.s.. Op deze aovendj weurtj door Peter en Judith Janssen, die in Zwame ’n zaak höbbe wo ze versjillendje streekproducte verkoupe, äöver die producte vertèldj aan de handj van väörbeeldje. Zie vertèlle de achtergróndj, de herkómst, de versjillendje saorte enz. enz. En waat se d’r van kèns make.

Dao tösse door waere klein hepkes verdeildj óm te preuve en ‘ne indrök te kriege wie ‘t smaaktj. Daoróm is ‘n eige biedrage nuuedig n.l. 3 euro p.p. (neet-leje 5 euro p.p.). Daoróm is ouch de insjrieving väöraaf nuuedig in verbandj mit inkoupe en väörbereije van ein en anger. Det kan tót 15 september. p.p. (neet-leje 5 euro p.p.) op raekeningnummer NL65RABO 0138 6319 64 ten name van Veldeke en mit opgave van naam + lidnummer; neet leje hun adres. Waem zich nog neet haet aangemeldj en toch belangstèlling hieväör haet, mót noe dus snel zeen!

Veldeke leje kènne nao deze aovendj “Limburgs preuve” dus ouch gerös emes oetnuuedige en same kómme. Es daegene ouch mer väöraaf is aangemeldj en haet betaaldj.

Smakelik preuve dus op vriedig 20 september, 20.00 oer in MFC de Pejjerhaof, Houtstraot 7 in Pej.

Geef een antwoord

Het e-mailadres wordt niet gepubliceerd.