Limburgse dialecte

De Limburgse taal – en daomit samehangendj de versjillendje dialecte – is de lèste tied regelmaotig in ’t nuuts. Van d’n eine kantj is det good; ’n teike det d’r betrokkeheid is. Mer waat wete w’r d’r eigelik van? Wie zitj ’t mit al die versjillendje dialecte en waat höbbe ze same? Is dao get zich op te kriege?

W’r dènke van waal. Daoróm höbbe w’r väör deze aovendj de provinciale streektaalfuncitionaris oetgenuuedigdj, dae zien werk duit vanoet ’t Huis voor de Kunsten Limburg aan de Steegstraot in Remunj. Ton van de Wijngaard zal aan de handj van ’n powerpointpresentatie (wae witj hierväör ’n good Limburgs waord?) hie äöver vertèlle. Ter sprake kómme de versjillendje dialectgebiede en hun kenmerke. Good oetgelag en beslis neet saai.

Nao de pauze zal hae det aafsloete mit ‘ne Limburgs-quiz, womit eur eige kènnis van ’t Limburgs getesj kan waere.

Deze aovendj is weer in de Pejjerhaof, Houtstraot 7 in Pej-Ech en begintj óm 20.00 oer. Vergaetj neet óm eur vrunj of femilie, die ouch altied get äöver oos dialct te vraoge höbbe, aan te spaore óm mit te kómme.

Geef een antwoord

Het e-mailadres wordt niet gepubliceerd.