’t Bestuur van Veldeke Krink Ech dènktj det ’t nuttig kan zeen aan de leje get vraoge väör te ligke äöver ’t Jaorprogramma 2023, det noe in väörbereiding is. De activiteite väör volgendj jaor mótte al vasgelag kènne waere op datum (ouch i.v.m. de zaalreservering) en aafspraoke mit spraekers en artieste mótte oppertied gemaaktj waere. Daoróm is ín ’t Veldeke Bekèt van september ’n enquêteformuleer ingeslaote óm de inspraok van de leje mäögelik te make. Gein oetgebrèdje lies mit vraoge, mer 1 vel pepier mit mäögelike activiteite. De vraog is dao-op kort aan te gaeve wie g’r dao äöver dènktj: gesjiktj, minder behoefte aan, en mesjien höb g’r ouch suggesties.
’t Verzeuk woor óm det väör 1 oktoaber trök te sture of bezörge. Zótj g’r ’t vergaete zeen, den kan dit nag tót 10 oktoaber.
