Kènnismaking

Jos Wackers is de nuje väörzitter van Veldeke Krink Ech. Hae is gekaoze door de leje op de Algemein Lejevergadering van 19 september. Daomit haetj de krink nao bienao ’n jaor – wo-in de vice-väözitter Piet Aben de zake haet waargenómme – weer ‘ne nuje väörgenger en bestuitj ’t bestuur weer oet 8 persoane. Jos woontj in Zöstere en is de ieëste väörzitter/veurzitter van boete Ech. De verkezing vónj plaats op ‘ne good bezóchdje, gezellige aovendj in ’t Pejjerhoes, dae ómliesj waerdje mit zank door ’t koar SuMaDi, o.l.v. Jo Huynen.

Jos zal es väözitter väöral es taak höbbe ’t vertegenwoordige van VKE nao boete en ’t gaeve van de leiding intern, väörzitte van vergaderinge e.d. Awd väörzitter Ton van Wegberg blif lid van ’t bestuur väör de take die mit PR en oetgave van beukskes e.d. te make höbbe. In de jaore det hae väörzitter woor, wore die take gecombineerdj. De anger bestuursleje haoje hun take: o.a. Magna Bedaf es secretaris en Theo Bougie es penningmeister. D’r is noe nog 1 vacature in ’t bestuur.

Op de foto v.l.n.r.: awd väörzitter Ton van Wegberg, de nuje väörzitter Jos Wackers en de vice-väörzitter Piet Aben.

Reageren is niet mogelijk