Op vriedig 22 december zal óm 19.00 oer in de kèrk van Pej weer de dialekmès in ’t teike van Kersmis gehaoje waere. Mit gebaeje en gezange in oos Limburgse taal. Ederein – lid of neet lid van Veldeke – kan dao haer kómme, zónger zich väöraaf aan te melje. Haodj raekening d’rmit det ’t swèntjers in de kèrk kawd kan zeen, dus trui en dikke jas aantrèkke.
Leje van Veldeke Krink Ech zeen nao aafloup welkom in “MFC de Pejjerhaof” väör ’n gezellige kersviering: óntvangs mit ’n tas kóffie en kersbroad en later nog ’n pasteitje. Verder ‘n optraeje van de groep MAM, det is ‘n bietje kerst, ‘n bietje lache. Deze aovendj is ’n sjoan gelaegeheid óm mekaar vas ‘ne goje Kersmis te wènse. In verbandj mit de organisatie deentj m’n zich hieväör väöraaf aan te melje en ’n biedrage te betale. De koste zeen 15 euro p.p., äöver te make op raekeningnr. NL 65 RABO 0138 6319 64 van Veldeke Krink Ech, mit vermelding van ’t lidnummer det achter op Veldeke Bekèt stuitj, baove eure naam. Betaaldj is aangemeldj.
