De Limburgse finale van de Veldeke-declamatiewedstried väör kènjer van de basissjoale weurtj in 2024 gehaoje op zaoterdig 25 mei in de Hanehof in Gelaen. Dao-aan väöraafgaondj zal de Krink Ech weer de eige finales organisere óm te bepaole waem aan die Limburgse finale moog mitdoon. Nuuj in 2024 is det ouch kènjer van de groepe 1 en 2 kènne mitdoon. Die kènne ’n gedichske oetzeuke in dezelfdje categorie es die van groep 3 en 4. De basissjoale zólle oppertied – det wiltj zègke drek nao de vastelaovendj – weer alle informatie in hoes höbbe, zoadet ze de väörbereidinge kènne starte. Daobie den ouch weer ’t book mit väör eder categorie 5 leuke gedichskes óm oet te keze.
