De internationale Daag van de Modertaal is eder jaor op 21 februari. Veldeke goof väörgaondje jaore aandach aan dae daag in de oetzending op L1-radio in ’t programma “Plat-Eweg” op zaoterdigmiddig mit Henk Hover. ’t Plat oet de versjillendje kringe van Veldeke Limburg koom dao bie aan bod.
Mer det programma “Plat-Eweg” bestuitj neet mieë. En ’n vergeliekbaar alternatief is d’r (nog) neet. Ónlangs haetj Henk Hover in ’n life-oetzending vanoet de Stadszaal in Ech mit ’n sjoan programma mit mitwèrking van väöl Limburgstalige zengers en artieste de lèste oetzending laote huuere. Väöl ónbegrip oet ’t publiek en van alle kenj dae middig väör ’t stoppe mit dit en anger Limburgse programma’s op de zender L1.
Väöralsnog is óndudelik wo de aandach väör de Limburgse taal noe ’n plaats krig.
