In verbandj mit de te verwachte hoag temperature haef ’t bestuur beslaote ’t oetstepke van aanstaondje vriedig nao Luuk neet te laote doorgaon. In äöverlèk mit de bie de organisatie betrokke partners, wie ’t bösbedrief en ‘t restaurant is es nuje datum woonsdig 9 september vasgestèldj. W’r haope det ederein dae zich haw aangemeldj, den ouch weer in de gelaegeheid is óm mit te gaon. Eur opgave blif ouch geljig väör de nuje datum.
Mit ‘n temperatuur ruum baove de 30 grade is ’t neet verantwaordj ’t väör dit oetstepke geplandje programma te laote doorgaon. Waem zich haw aangemeldj en betaaldj haef, krig nog ’n email, wo-in ouch aanwiezinge wie te hanjele es de nuje datum neet gelaege kömtj.
