40 nummers Veldeke Bekèt

Leje van de Veldeke Krink kriege dezer daag ‘n nuuj nummer van ’t kwartaalblaad Veld(j)eke Bekèt bezörgdj. Daomit weurtj de tieëndje jaorgank aafgeslaote en dus oetgave nummer 40 bereiktj.

’n Eige kwartaalblaad väör oze Krink woor ’n idee van oze väörige, te vreug gestórve väörzitter Ton Janssen en de huidige väörzitter Ton van Wegberg. En natuurlik óngersteundj door ’t ganse bestuur.
Is ’n eige blaad belangriek? Versjillendje Veldeke-kringe kènne ’n eige blaad. Die vènje det – net wie weer – dus bliekbaar belangriek. Mer d’r is mieë. Oos Veldeke Bekèt weurtj door de leje good gelaeze. Bie de handj gehaoje óm te wete wannieë ’n activiteit is. En es ’t kwartaal väörbie is, weurtj nao ’t volgendj nummer oetgekeke. Tót zoaver alles good.

Mer mit de oetgave van ’n eige blaad zeen ouch väöl koste en meujte verbónje. Óm mit die koste te beginne: ’t drökke van zo’n kluuerriek blaad geit neet goodkoup. En neet te vergaete de portokoste van de nummers die niet door leje bezörgdj kènne waere ómdet ’t te ver is. ’t Is good d’r èns bie stil te staon det de oetgave allein mäögelik is dankzij de sponsors, die w’r in die 10 jaore väör die 40 nummers gehadj höbbe. Hun biedrage is väör oos blaad ónmisbaar es w’r d’rmit door wille gaon.

Geef een antwoord

Het e-mailadres wordt niet gepubliceerd.