Naodet L1-presentator Henk Hover in ’t Cultuurhoes aan de Plats de zinne mit es thema “De stómste boere höbbe de dikste aerpel” bekèndj haw gemaaktj, kós Piet Aben mit ’t väörlaeze van de te sjrieve zinne beginne. Tiedes ’t sjrieve woor ’t moesstil in de zaal; de deilnummers wèrkdje hieël geconsentreerdj. Nao ’t naokieke door de jury waerdje de persoane mit de minste foute es wènnieërs van dit ED bekèndj gemaaktj: dördje plaats väör Yvonne Smeets, twieëdje väör Annet Cremers en de ieëste plaats dit jaor väör Eddy Zeelen.
Alle drie krege die van de väörzitter van Veldeke Kring Echt naeve ‘n oorkonde, ouch ein in glaas gebakke kunstwerkske in de vórm van ‘n (Echter) Krakeling aangebaoje. De wènnieër van de 1e pries moogdje de wisseltrofee op ’n standaard mit nao hoes numme. Alle gejureerdje dicteesjrievers krege ouch ’n oorkonde es herinnering aan ’t mitdoon.
Daonao woor ’t nog ’n tiedje gezellig in de nuuj brasserie “’t Stadhoes”.
