Woonsdigmiddig 19 april haet ouch in Zöstere de finale plaatsgevónje van de Veldeke Declamatie wedstried 2017. Det woor ‘n gezellige biejeinkómst mit enthousiaste deilnummers, aojers, groataojers en supporters. Väör Zöstere woor det de 10e finale op rie. Dao zeen de volgendje kènjer es wènnieërs oet gekómme:
Groep 3 en 4 van de basisschoal wore det:
1) Inge Lemmens (Basissjoal in ’t Park, Zöstere) mit ’t gedich: “Hoagsjprènge”.
2) Dio Wijers (Basissjoal Jan Peters, Roostere) mit ’t gedich: “Giftig”.
3) Benthe van de Munckhof (Basissjoal de Springdonk, Zöstere) mit ’t gedich: “Appele en paere”.
Groep 5 en 6:
1) Evi Pustjens (Basissjoal Jan Peters, Roostere) mit ’t gedich: “Weer kènne neet zónger dere”.
2) Evena Kraanen (Basissjoal in ’t Park, Zöstere) mit ’t gedich: “Paosjhaeske”.
3) Stef Simons (Basissjoal Jan Peters, Roostere) mit ’t gedich: “Sjengske”.
Groep 7 en 8:
1) Step Leenders en Hannah Vranken (Basissjoal de Springdonk) mit ’t gedich: “Miene Pap”.
2) Maud Augustin (Basissjoal in ’t Park, Zöstere) mit ’t gedich: “Waat ein gedoons”.
3) Melissa van de Berg (Basissjoal in ’t Park, Zöstere) mit ’t gedich: “Ein klein vrek veugelke”.
In totaal wore d’r 23 väördrachte, verdeildj äöver 3 basissjoale oet groat Zöstere.
De nummers ‘1’ zeen väör dit jaor de kampioene van Groat Zöstere en die moge op 20 mei a.s. oze Krink vertegenwoordige oppe Limburgse Kampioensjappe in Panningen. Van groep 7 en 8 zal det Maud Augustin (nummer 2) zeen, ómdet volges de reglemente gein duo’s kènne mitdoon. Veldeke Krink Ech danktj alle deilnummendje kènjer, ouch bie de sjoalfinales en raekentj volgendj jaor weer op hun deilname.
