VKE zeuktj secretaris

Veldeke Krink Ech zeuktj väör volgendj jaor ‘ne secretaris es opvolger van de huidige secretaris Miel Coenemans, dae den aaftraejend is en al eerder haet aangegaeve den neet mieë väör die pos besjikbaar te wille zeen. ’t Bestuur mèndje in de persoan van Marian Bruysten ’n gooj opvolgster te höbbe klaor staon, mer noe Marian ónlangs tót wèthaojer is beneumdj, is det oetgeslaote. Óm eventueel verstrengeling van functies te väörkómme, is Marian trök getraoje es bestuurslid van VKE. Jaomer, mer terech.

’t Moog dudelik zeen: nemes stuitj te dringe väör zo’n functie. Mer aeve zoa good is dudelik det de krink ‘ne nuje secretaris deentj te kriege. Vandaar det w’r ederein mit hert väör de vereniging oprope óm zichzelf besjikbaar te stèlle óf good óm zich haer te kieke en emes anges väör te drage. In beide gevalle kèntj g’r contact opnumme mit de väörzitter, Ton van Wegberg, tel. 0475 482149.

Wae noe besjikbaar is, haet nog bekans ’n jaor óm zich in te wèrke en mit te dènke wie die taak in te völle. Leefs zeen w’r ’n get jónger persoan, man of vrouw, dae dit ’n aantal jaore wiltj doon.

Geef een antwoord

Het e-mailadres wordt niet gepubliceerd.