In de dees waek versjene vastelaovesgezèt van C.V. de Aester oet Ech stuitj verslaag van ’n gesprek det ’n paar minse van de redactie hawwe mit Ton van Wegberg, awd-väörzitter en ieëre-väörzitter en Jos Wackers, de huidige väörzitter van Veldeke Krink Ech. Neet allein óm die raeje wille weer uch die gezèt van herte aanbevaele. Móch g’r de hoes aan hoes verkoup gemisj höbbe, den is die väör 5 euro nog aaf te haole bie bookhanjel Bruna. Zoawiezoa väöl waardering van oze kantj väör ’t creatieve proces womit versjillendje vastelaovesvereniginge in oos gemèndje zo’n gezèt samestèlle. Waardering en steun daoväör kan m’n laote blieke door zo’n gezèt te koupe en op die meneer die vereniging te steune.
