Väöl leje van VKE kènne Annie Schreuders Derks (*1943) väöral oet zien periode bie ’t Museum van de Vrouw in Ech. Dao waerdje in 2003 zien collectie óngergebrach, opgeboewdj door laeveslange interesse in de Limburgse volkscultuur. Nao zien pensionering in 2011 haetj zie häör activiteite thoes, mit ‘t Volkskundig Bureau NostalNu weer opgepaktj. Väör de Veldekekrink haetj Annie al dökker ‘ne lieërzame mer ouch vermakelike aovendj verzörgdj.
NostalNu is de Limburgse volkscultuur van alledaag. Väör väöl minse herkènbaar en interessant. Mit bezunjere aandach väör ’t laeve van de vrouw. Neet allein van vreuger; ouch de mieë recente gebäörtenisse wètj Annie väör zien toehuuerders te sjildere. Religie, moade, aete en drinke, wone en ’t hoeshaoje kómme allemaol v’rbie.
Op woonsdig 24 januari a.s. ónger de titel: “’n Laeve lank in Limburg” óm 20.00 oer in de Pejjerhaof, Houtstraot 7 in Pej-Ech. Leje höbbe gratis toegang; neet leje betale 3 euro entree.
