De internationale Daag van de Modertaal is eder jaor op 21 februari. Veldeke geuf aandach aan dae daag in de oetzending op L1-radio in ’t programma “Plat-Eweg” op zaoterdigmiddig 17 februari mit Henk Hover.
Dit jaor doon weer versjillendje Veldekje-kringe mit door kènjer oet hunne krink limburgstalige gedichte te laote väördrage. De filmkes die hieväör gemaaktj zeen, kónne al vanaaf 14 februari bekeke waere op de facebookpagina van L1/Henk Hover.
En de väörzitters van de kringe zólle vertèlle wie belangriek zie vènje det kènjer al van jóngs aaf aan kènnis make mit de Limburgse taal. Ouch VKE haet opnames gemaaktj, die g’r den kèntj zeen en huuere.
