Nao de zomer weer ’n activiteit bie Veldeke! ’t Verhaole Project mit de ingespraoke verhaole op oze website löptj nog stieëds. Ruum 60 verhaole, in versjillendje categorieë óm te beloestere.
Óm nao verhaole te loestere, wille w’r ouch ‘ne gezellige zomeraovendj organisere. Gans wie det kan mit de geldendje coronamaotregele: maximum aantal deilnummers en vaste plaatse.
Daoväör höbbe weer op Sint-Joas ’n sjoan boete-locatie gevónje bie ’t startendj evenemente bedrief OrangeXevents. Dao kènne ruum 40 persoane op aafstandj en volges de regels zitte óm te loestere (haole) en eventueel ouch zelf get väör te laeze (brènge). W’r zörge verder väör get te drènke, ’n hepke en get meziek. Väör deiname mót m’n zich aanmelje en betale. Betaaldj tèltj es aangemeldj tót ’t aantal van 40 *). De väöraaf te betale koste zeen 7,50 p.p., det is den inclusief 2 consumpties en ‘ne snack. Verder consumpties ter plekke contant aaf te raekene. De aovendj begintj óm 19.00 oer, vanaaf 18.45 aope. Adres: Hingenderstraot 19, Sint-Joas. Väör auto’s zeen parkeerplaatse langs de straot in de ómgaeving; neet oppe oprit i.v.m. veiligheid! Kómtj g’r p’r fiets, dan kèntj m’n dae waal langs de oprit stalle.
’t Weurtj ’n zomeraovendj-activiteit, wobie w’r raekene op good waer. Vèltj ‘t waer taege, den is d’r oetwiek-mäögelikheid nao bönne in de loods.
*) Bie ’t sjrieve van dit stökske wore nog 5 plaatse besjikbaar.
