Kómmendje zóndig, 21 januari, is in de ECI in Remunj ’t Festival “Sjiek”. Dit is ’n nuuj initiatief van TaLeP (Taal en Letteren Platform Limburg), wo ouch Veldeke aan mit duitj. Waat opzèt betruf is ‘t ’n vervolg op de LiLiLi-daag, dae tót 2 jaor geleje jaorliks waerdje gehaoje en dae inèns verdween. ’t Is de bedoeling det “Sjiek” ouch jaorliks geit gehaoje waere. Op ’t festival ’n uitgebrèdje prissentatie van waat op taalgebied in oos provincie gebäörtj en te gebäöre stuitj: sjrievers, zengers, groepe, toneel, oetgaevers… det alles lieët op “Sjiek” zeen waat ze in hoes höbbe. In ’t Limburgs, mer ouch Nederlands. D’r zeen ouch wèrkplekke, wo m’n mit kan doon. ’t Festival is gratis, waat mäögelik is door ’n fórse biedrage van de Provincie Limburg. Toegank 21 januari van 11.00 tót 17.00 oer.
