Veldeke bie “Nieuws en Co”

Het NPO Radio 1 programma “Nieuws en Co” woor dees waek, op woonsdig 1 augustus, in Ech. De gaele vrachwage van wo-oet de oetzendinge en reportages waere opgenómme, haw ’n plaats gevónje op de Nuje Mert, naeve ’t gemèndjehoes. De redactie van ’t programma haw de Veldeke Krink benaderdj óm deil te numme. Thema van de waek woor “identiteit” en edere daag ging m’n in ’n anger regio/plaats dao äöver mit minse in gesprek. In Ech speciaal ginge ze op zeuk óm te achterhaole in hoeverre ’t dialect dao in ’n rol speeltj.

Limburgs Kampioen Declamatie Evena Kraanen oet Zöstere droog (’n gedeilte van) ’t gedich väör det ziene pap haw gesjreve en womit Evena ein van de Limburgse kampioene is gewore. In ’t aansloetendje gesprek mit Evena en Roger Kraanen waerdje dao verder op ingegange. In ’t twieëde deil van ’t programma kome Riky Simons van de Sjrieverskrink, en de VKE bestuursleje Piet Aben en Ton van Wegberg aan ’t waord.
Programma gemisj en toch èns wille huuere?

https://www.nporadio1.nl/nieuws-en-co/onderwerpen/467089-bus-1-de-identiteit-van-het-limburgse-echt

https://www.nporadio1.nl/nieuws-en-co/onderwerpen/467090-bus-2-de-identiteit-van-het-limburgse-echt

Geef een antwoord

Het e-mailadres wordt niet gepubliceerd.