Op woonsdigaovendj 13 mei 2026 is de volgendje Veldeke-aovedj mit väördrachte en meziek. De väördrachte kómme oet de krink “Um Mamelis”, väör ós neet ‘t mekkelikste dialect. Mer det is ’n kwestie van effe wènne, net wie ’n paar jaor geleje mit ’t Kirkraojs. Jo Kern, väörzitter van Veldeke Um Mamelis, zal mit zien karakteristieke vertèlstiel, anekdotes vertèlle en verhaole tót laeve wèkke es of ze net pas gebäördj zeen. Ouch oet die streek kömtj Anita Hamers mit ‘n paar väördrachte.
De aovendj belaoftj verder ’n reis door Zuid-Limburg te waere, want de muzikale ómliesting is deze aovendj in henj van Maas van Stigt oet Haerle, det mit häör leedjes, soms blie, soms óntroerendj, ós zal weite te rake. Maas weurtj op gitaar begeleidj door Siem Adema. Wellich det d’r nog ’n vastelaovesleedje de revue zal passere, want Maas haet de studie Meziekweitesjap in Amsterdam aafgeslaote mit ’n scriptie äöver vastelaovesmeziek.
Dit alles weer in de ós zoa vertroewdje Pejjerhaof, ‘n plaats wo oos modertaal thoes is! Op woonsdig 13 mei en ’t begintj óm 20.00 oer. Veldeke leje höbbe wie gebroekelik gratig toegang; neet-leje vraoge w’r 3 euro entree.
