Op vriedigaovendj 7 februari a.s. vanaaf 19.00 oer weurtj weer ‘ne “flitscursus” gegaeve betreffendje de spelling van de Limburgse taal, in ’t bezunjer van ’t Echs.
Laesj verder:
Mitdoon aan de “Flitscursus”
Waem zien Limburgse taal ’n bietje redelik wiltj lieëre sjrieve, zoe good èns kènne mitdoon aan de “flitscursus” dae op vriedigaovendj 7 februari 2024 weer weurtj gegaeve. Vanaaf 19.00 oer in de Fanfarezaal. Dae cursus is óntstange es antjwaord op de dök gestèldje vraog “wie mót se det sjrieve?” Cursusleider Piet Aben geitj in dae cursus van eine aovendj van zoaget 2-2 ½ oer, mit vaart door de ganse stof van de Veldekespelling, zónger det det erg zwaor geitj waere. Alle spellingsaafspraoke kómme aeve aan bod en verder kriege de deilnummers aanwiezinge wie en wo ze bie twiefel verder kènne zeuke. Ouch waem zich mit oos plat al redelik witj te behelpe, kan hie nog get van opstaeke.
In 2019 ging de flitscursus väöraaf aan ’t ieëste Echter Dictee. In de jaore daonao koom ’t dictee door de coronamaotregele te vervalle. Mer de cursus is neet allein väör waem aan ’t Echter Dictee wiltj gaon mitdoon. De aafspraoke mit betrèkking tót de spelling van ‘t Limburgs en mit name ’t toepasse in oos Echter dialek, is interessant väör ederein dae waal èns get in ’t plat wiltj sjrieve. Óm mit te doon deentj m’n 6 euro p.p. äöver te make op raekeningnummer NL 65 RABO 0138 6319 64 van VKE, ónger vermeljing van naam, adres, telefoon en/of emailadres en de vermeljing “flitscursus”. Daoväör krig g’r op 2 februari ouch ’t lesmateriaal en ’n tas kóffie.
Lètj op: de ingang van de zaal is op Lisweg 8, naeve de Lidl.
Opgaeve kèntj door te klikke op de link hie-ónger
of
de QR-code te scanne mit de camera op eure telefoon!
Opgave Flitscursus Echter Dialek 2025
