Oetslaag van de declamatiewedstried in Zöstere

De 2e regiofinale van Veldeke Krink Ech woor op vriedigaovendj 19 april in de Hermeniezaal in Zöstere. Ouch det woor ‘ne gezellige aovendj mit väöl belangstèlling. 21 Kènjer van de basissjoale in Roostere en Zöstere wore eerder op hun sjoal al aangeweze óm aan dees finale deil te numme. Nao de äöpening door väörzitter Ton van Wegberg en wedstriedcoördinator Piet Aben ging Jos Douven es presentator stieëds effe mit de kènjer in gesprek, óm daonao hun ’t gedich te laote väördrage.

De jury, dit jaor bestaondje oet Peter Feyen, Sacha Pesgens en Jos Wackers haw de taak bie eder väördrach op vief puntje te beoordeile. Eder kèndj duitj ’t get anges en den gaeve oetspraok, bewaeginge, mimiek en spontaniteit dök de doorslaag.

Nao ’n pauze wo-in de puntje getèldj móste waere, koom de oetslaag:

Van groep 3 en 4:

Plaats 1: Freek Swiatalski (Basissjoal de Springdonk, Zöstere) mit ’t gedich “Is mich det sjrikke”;
Plaats 2: Isa Pustjens (Basissjoal Jan Peters, Roostere) ouch mit “Is mich det sjrikke”;
Plaats 3: Lynn Slakhorst (Basissjoal in ’t Park, Zöstere) mit “Tèlle is zoa leuk”.

Van groep 5 en 6:

Plaats 1: Mirte Pustjens (Basissjoal Jan Peters, Roostere) mit “’n Windje”;
Plaats 2: Max Swiatalski (Basissjoal de Springdonk, Zöstere) mit ’t gedich “Vol van voetbal”;
Plaats 3: Dio Wijers (Basissjoal Jan Peters, Roostere) mit “’ne Oppasser”.

Van groep 7 en 8:

Plaats 1: Evena Kraanen (Basissjoal in ’t Park, Zöstere) mit ’t gedich “Nemes kalt plat taege mich”;
Plaats 2: Floor Swiatalski (Basissjoal de Springdonk, Zöstere) mit “50 euro”;
Plaats 3: Chayenne Craenen (Basissjoal in ‘t Park, Zöstere) mit “50 euro”.

De wènnieërs op plaats 1 van eder categorie moge zich dit jaor “Kampioen van Groat Zöstere” neume. Verder moge zie deilnumme aan de Limburgse finale, die gehaoje weurtj op 25 mei a.s. in Panningen.

 

Geef een reactie

Het e-mailadres wordt niet gepubliceerd. Vereiste velden zijn gemarkeerd met *