Ein nuuj verhaol van Leontine Bus-Spee. Weer get waat zie haef mitgemaaktj tiedes häör loupbaan in ‘t óngerwies. Edere daag spannendj op sjoal, zólle w’r mer zègke. En waem mit “die krak” bedoeldj weurtj, kèntj g’r al zeen aan de foto.
Hiemit gaon w’r verder mit oos Verhaole Project. Wie óngerhandj bekèndj zal zeen, wille w’r mit de dao-in aangebaoje verhaole ’n biedrage levere óm deze tied van get mieë thoes zitte op ’n gooj meneer door te kómme. ’t Kan haopelik ’n aangenaam óngerbraeking van d’n daag zeen. Marjo Jaski-Verheesen haef ouch dit verhaol weer ingespraoke.
W’r zoewe ’t fejn vènje van uch trök te huuere waat g’r van dit project en van de verhaole vèntj. Dao kènne w’r den wellich ouch get van opstaeke óm hiemit verder te gaon. En zótj g’r ouch ’n sjoan verhaol höbbe, of get waat angere zoe kènne interessere, stuur ’t den nao info@veldekekrinkech.nl.
Dit verhaol is weer te beloestere door op de balk ónger dees inleiding ’t drieheukske aan te klikke. Väöl loesterplezeer!