’t Verhaol det Marjo Jaski-Verheesen uch noe väörleusj, is gesjreve door Laura van der Leek, 24 jaor oet Ech. Laura studeertj geneeskunde in Utrecht en boete zien studie óm, hulptj ‘t -wie nag mieë studente doon- oppe IC in ein groat ziekenhoes in Nederlandj. Zien ervaringe haef ’t in dit verhaol besjreve. ’t Is ’n aangriependj verhaol oet deze tied.
W’r haope det ‘t loestere nao dit verhaol weer ’n bietje zal mithelpe óm de tied van get mieë bönne zitte op ’n gooj meneer door te kómme. Ouch noe weer zoewe w’r gaer van uch huuere waat g’r d’r van vèntj. Ouch es d’r aanwiezinge zeen of zelfs kritiek. Gebroektj daoväör ’t óngerstaondj emailadres.
Óm nag ‘ne tied te kènne doorgaon höbbe w’r doorloupendj nuuj verhaole nuuedig. Zótj g’r ouch ’n verhaol wete of emes kènne dae waal ’n verhaol zoew kènne sjrieve väör dit Loesterverhaole Projekt, den is ós det erg welkom. Stuur ’t den nao info@veldekekrinkech.nl.
W’r bedanke Laura väör dit verhaol en wènse häör nag hieël väöl sukses in ’t verdere verloup van häör studie.
Dit verhaol is weer te beloestere door op de balk ónger dees inleiding ’t drieheukske aan te klikke. Väöl loesterplezeer!