Dees waek ’n verhaol opgesjreve door Sjaak Verheyen. ’t Kömtj väört oet ’n buut; Sjaak woor ‘ne vastelaovesman en jaorelank vors van de vastelaovesvereniging “de Aester-Sjaelen Uul” oet Pej. Hae kós good vertèlle. Ouch dit verhaol speeltj es of se d’r zelf bie bös. Ingespraoke is ’t weer door Marjo Jaski-Verheesen.
Naojaor en wèntjer zeen gesjikdje tieje óm nao verhaole te loestere. En eventueel die zelf te gaon sjrieve. Es g’r de verhaole oet oos “Verhaole project” regelmaotig beloestertj, zótj g’r wete det altied waal ’n óngerwerp te vènje is óm äöver te vertèlle en dit op te sjrieve, zoadet angere dit kènne laeze.
Höb g’r mesjien ’n idee? Bie det sjrieve wille weer uch bès helpe! Laot ’t wete aan info@veldekekrinkech.nl.