“Begiene van vreuger”

De tied wo-in zösters ’n belangrieke rol speeldje in de gemeinsjap en in ’t laeve van väöl minse, ligke al weer get jaore achter ós. Mit name in ’t óngerwies wore ze – ouch in Ech – van beteikenis. Tegeliek ginge äöver ’t laeve in ‘t kloaster en die begiene allerlei verhaole. In ’t femieliemuseum in Eysden is ein en anger gedocumenteerdj en väör de toekoms vasgelag.

Mia van Wegberg-Kurvers haet vanoet eige herinneringe biegaondj verhaol gesjreve. “Begiene zeen neet waat ze sjiene”, waerdje waal gezag. Mer tegeliek is de bewónjering en waardering besjreve väör ’t werk waat ze deje.

Marjo Jaski-Verheesen haetj ’t verhaol ingespraoke väör oos “Verhaoleproject”. Es g’r de verhaole oet ‘t “Verhaoleproject” regelmaotig beloestertj, zótj g’r wete det altied waal ’n óngerwerp te vènje is óm äöver te vertèlle en dit op te sjrieve, zoadet angere dit kènne laeze.

Höb g’r mesjien ’n idee? Bie det sjrieve wille weer uch bès helpe! Laot ’t wete aan info@veldekekrinkech.nl

Dit verhaol is weer te beloestere door op de balk ónger dees inleiding ’t drieheukske aan te klikke. Väöl loesterplezeer!

“Begiene van vreuger” väörgelaeze door Marjo Jaski-Verheesen
Download verhaol

Reageren is niet mogelijk