Literaire aovendj mit meziek van Baroesjko bie Veldeke

Naodet ze kort geleje nog bie Kultkafee in volle bezètting ‘ne sjoane aovendj höbbe verzörgdj, kömptj de groep Baroesjko weer nao Ech, noe bie Veldeke, es trio. Op deze aovendj staon literaire tekste centraal en Baroesjko zal die, in samespraok mit de sjrievers, passendj ómlieste. Dees, net wie de band, Zitterdse sjrievers zeen Wim Kallen (gebaore Mestreech) en Lisette Colaris. Wim Kallen is sjriever-galeriehaojer, eerder genomineerdj väör de Veldeke-literatuurpries. In zien “Veer seizoene van de leefde” brunk hae zien geveul väör dialek en van ’t laeve zelf tót oetdrökking. Lisette Colaris is ’n sjriefster, dichter en performer die óngefilterd wäörd aanein rijgtj vanoet ’t hert. Gein vórmvaste gegaeves, mer pure passie en besjouwinge van ’t laeve, de leefde en de doad in ‘ne waereld dae biena in dolgedrejd.

Lisette, Wim en Baroesjko trio ónger de leiding van Mark Courage wille d’r same ‘ne sjoane aovendj van make. Ederein is van herte welkom op woonsdig 21 mieërt 2018 óm 20.00 oer in de Pejjerhaof, Houtstraot 7 in Pey-Echt. Waem neet lid is van Veldeke betaaltj ‘ne kleine entreepries.

Geef een antwoord

Het e-mailadres wordt niet gepubliceerd.