Aafgeloupe zaoterdig haet Veldeke ‘n fotobook “Poëziewanjelinge” oetgebrach. Mit sjoan foto’s oet de ómgaeving wo die wanjelinge tösse 2015 en 2019 höbbe plaats gevónje. En daobie gespeciaal gemaakdje gedichte wie bv äöver de kestaanjelelaan en de veskes op Lilbosch, de beeljetuin en ’t Hout in Zöstere, de vestingwerke en de grensmaas in Staeveswaert, de Rochuskepel en ‘t Carmelkloaster in Ech en ’t awd raodhoes en de boumspeeltuin oppe Nuujsjtadt.
De ieëste exemplare van ’t beukske zeen aangebaoje aan cultuurwèthaojer Marian Bruijsten van Ech-Zöstere en aan degene die op ein of anger meneer höbbe mitgewèrktj aan de oetgave. Det beukske is vanaaf noe op versjillendje adresse te koup. Kiek op Beukske Poëziewanjelinge.
Daezelfdje zaoterdigmiddig haet L1/Henk Hover in ’t programma “Plat-eweg” ouch aandach gesjónke aan de poëziewanjelinge en ’t beukske. Nog te beloestere via deze link.
Oetzending Plat-eweg: “Poëziewanjelinge Ech-Zöstere in bookvorm”